ცვლილება საბავშვო ევროვიზიის კონკურსანტებს შორის

12 სექტემბერს მაყურებლის წინაშე 13 კონკურსანტის ნაცვლად 11 მონაწილე წარდგება. ნინუცა ყანჩაველმა და თათია ოქრუაშვილმა კონკურსში მონაწილეობაზე უარი განაცხადეს.

კონცერტი ახალი სასწავლო წლის დაწყებას უკავშირდება. საზოგადოებრივი მაუწყებელი ბავშვებს ახალი სასწავლო წლის დაწყებას ამ კონცერტით მიულოცავს.

6 სექტემბრიდან კი კონკურსანტების რეპეტიციები საზოგადოებრივი მაუწყებლის პავილიონში დაიწყება.

მაყურებლის წინაშე კონკურსანტები ამ თანმიმდევრობით წარდგებიან:

1.“ჰერელი გოგონები” - სიმღერა „მოგესალმებით“ - ლიკა ბატიაშვილი, მარი ნანობაშვილი, თიკო ტაბატაძე, სოფო ქადაგიძე, თათია თამაზაშვილი
2.ანა დავითაია - სიმღერა “გარეთ მზეა”
3.ჯგუფი „ანა-ბანა“- სიმღერა „ჰერიო“ - ანა ჯიქია, ნუცა ბურჯანაძე, გიორგი თორაძე, ნათია ოქრუაშვილი
4.დათო ზეიკიძე - სიმღერა „სიზმარი“
5.გოგონების ტრიო - სიმღერა “წვიმა”- თათული ქათამაძე, ნატა ტუღუში
6.ჯგუფი “ჰარმონია” (ბათუმი) - სიმღერა „ზღვის ფერიები“ - მარი ზოსიძე, მარი ქათამაძე, მარი დოლიძე, ნაზი პაპიძე, სალომე საფარიძე
7.„მერმისი“- სიმღერა „სახალისო“ -ანი ცინცაძე, ლენა ბერიძე, სოფო ჭელიძე, ნუცა ღლონტი, სოფო კედელაშვილი, მარიამ ნატრაძე
8.კატო სალუქვაძე-სიმღერა „ძველი როკენროლი“
9.მელანო ფისაძე (გორი) - სიმღერა „უშენობა“
10.მარიამ კახელიშვილი- „მარი-დარი“
11.„ანცები“- სიმღერა „ესა მესა“- ქეთი სამხარაძე, ანი ჯამრიშვილი, დეა სულუაშვილი, ნათია სვანაძე, მარიამ სვანაძე, ლიზი კოტრიკაძე

12 სექტემბერს 11 კონკურსანტიდან მაყურებელი და ჟიური ერთს შეარჩევს, რომელიც საქართველოს სახელით 20 ნოემბერს მინსკში ფინალურ კონცერტზე წარდგება.

წელს საზოგადოებრივმა მაუწყებელმა საქართველოში არსებულ ყველა საპროდიუსერო კომპანიას შანსი მისცა თავად წარედგინა კონკურსისთვის ბავშვები და სპეციალურად საბავშვო ევროვიზიისთვის შექმნილი სიმღერები, რომლებიც პატარებმა უფროსების დახმარებით შექმნეს. ბავშვების სასცენო იმიჯზეც თავად საპროდიუსერო კომპანიები იზრუნებენ.

კონცერტი “ივენთ ჰოლში” გაიმართება და საზოგადოებრივი მაუწყებლის პირდაპირ ეთერში გადაიცემა.

კონცერტამდე კი სიმღერები ევროვიზია-ჯუნიორის საიტზე განთავსდა. მათი მოსმენა ასევე შესაძლებელია საზოგადოებრივი მაუწყებლის რადიო ერთის მეშვეობით.