მოსკოვში "U2"-ს კონცერტი გაიმართა. წარმოდგენის ბოლოს ბონომ რუს ოპოზიციონერ როკმუსიკოსთან იური შევჩუკთან ერთად ცნობილი ჰიტიც შეასრულა.
გავრცელებული ინფორმაციით, მედვედევთან შეხვედრამდე ბონოს კრიტიკოსმა არტიომ ტროიცკიმ წერილი გაუგზავნა, სადაც ნათქვამი იყო, რომ რუსული ცენზურა როკმუსიკისა და ეკოლოგიის სფეროზეც ვრცელდება. წერილს ხელს "DDT"-ს სოლისტიც აწერდა.
მოგვიანებით ბონომ აღნიშნა, რომ წერილი მას შემდეგ მიიღო, რაც სოჭი დატოვა.
”მის შესახებ ადრე რომ გამეგო, აუცილებლად დავუსვამდი პრეზიდენტ მედვედევს კითხვებს”,- განაცხადა ბონომ.
კონცერტს ექსცესების გარეშე არ ჩაუვლია. წარმოდგენისას "ამნისთი ინტერნეშენელის" 2 მოხალისე დააკავეს და გრინფისის საინფორმაციო კარვები დახურეს.
მომხდარმა ჯგუფის წევრების აღშფოთება გამოიწვია. ადამიანის უფლებათა დამცველები და ეკოლოგები პროპაგანდულ საქმიანობას "U2"-ს კონცერტების მსვლელობისას მსოფლიოს ყველა ქვეყანაში ეწევიან, თუმცა აქამდე მათთვის ხელი არავის შეუშლია.
No comments:
Post a Comment