მილიარდერმა ბიზნესმენმა დონალდ ტრამპმა ტელესამაუწყებლო კომპანია NBC-სთან ერთად, სილამაზის კონკურსის "მისის სამყაროს" ლიტველი ორგანიზატორები საავტორო უფლებების დარღვევაში დაადანაშაულა და სასამართლოში უჩივლა.
საქმე ისაა, რომ ნიუ-იორკში ბაზირებული კომპანია "Мiss Universe Organisation", რომელიც ტრამპსა და NBC-ის ეკუთვნით, ატარებს კონკურსებს "მის აშშ", "მის აშშ-ის თინეიჯერი" და "მის სამყარო".
სარჩელი ვილნიუსის საოლქო სასამართლოში საზოგადოებრივ სააგენტო "გართობის აკადემიის" წინააღმდეგ შევიდა, ვისი ორგანიზებითაც ლიტვის დედაქალაქში "მისის სამყარო 2010" გაიმართა.
"ჩვენი სარჩელი მარტივია - განაცხადა მომჩივანთა ადვოკატმა, - "მისის სამყაროს" ორგანიზატორებმა სახელწოდება უკანონოდ დაისაკუთრეს, რადგან მასზე ყველა უფლებას ამერიკული კომპანია ფლობს". მისი თქმით, მომჩივანი კომპანია კუთვნილი სავაჭრო მარკის უკანონო გამოყენებით მიღებული ზარალისთვის კომპენსაციას ითხოვს.
თავის მხრივ, "მისის სამყაროს" კონკურსის ლიტველი ორგანიზატორები დანაშაულს არ აღიარებენ და აღნიშნავენ, რომ სიტყვა "სამყაროსგან" სავაჭრო მარკის შექმნა არ შეიძლება, რადგან ის საყოველთაო გამოყენებისაა.
No comments:
Post a Comment